روستای قره کلک

برای معرفی روستای قره کلک

روستای قره کلک

برای معرفی روستای قره کلک

روستای قره کلک

این وبلاگ سعی دارد تا با بهره گیری از مطالب عکس و سایر امکانات معرفی کننده روستای گردشگری و زیبای قره کلک باشد .
شما عزیزان و دنبال کننده های محترم میتوانید مطالب و نوشته ها و عکس های خود را برای ما بفرستید تا در اختیار علاقمندان قرار بگیرد
parviz fazli@gmail.com
09360431509
پرویز فضلی

سرسکند آتچیلاری

سه شنبه, ۳ فروردين ۱۴۰۰، ۰۴:۱۵ ق.ظ

بیر یا ایکی یؤز ایل بوننان اؤنجه هشتری ماهالیندا خانلار حکومت ائلر میش و حقیقتا قؤل، ائل، قیلیج گؤجیله کئچینر میشلر مسلمان اینسانلارا شرع قانونیلا اؤز حدی حدودلارین تانیارمیشلار

ایختیلافلاری اولان زامان آ غ سقللر ومجتهدلر وائل خانی الیله صولحا چاتیب 

 

 

بیرگون گولور گوز اوسته قاش بیرگون باریش ،بیرگون ساواش شانلی داملا ، یاواش یاواش بیر یا ایکی یؤز ایل بوننان اؤنجه هشتری ماهالیندا خانلار حکومت ائلر میش و حقیقتا قؤل، ائل، قیلیج گؤجیله کئچینر میشلر مسلمان اینسانلارا شرع قانونیلا اؤز حدی حدودلارین تانیارمیشلار ایختیلافلاری اولان زامان آ غ سقللر ومجتهدلر وائل خانی الیله صولحا چاتیب وحقی حقدارا تاپشیرارمیشلار

اما بعضا ایختلافلار سایه سینده خانلار طایفالار دوشمان اوردوسونا حمله آپاریب  وساوشلار باشلانار میش زامانلارین بیر هیسه سینده خانلیق زامانیندا.

سهند آوا اؤلکسینده گؤجلی ساییلان ائللردن بیری اروانلی وبیری یار احمدلی ائلی اولاراق دائم بو ایکی طایفانین آراسیندا ساواش وکش مکش. واریمیش یار احمدلی طایفاسینین بویوک باشی حاج امیر طاخجاجیج کندینده ساکین اولاراق بیر محتشم قدرت یاراتمیشدی وکئچمیش خانلار رسمیله اؤزیله فیکرلشیر کی پولونان اولار اولسون. اولماسا زوریلا سرسکند کندینه صاحیب اولارام  بیر قاسید یوللایب سرسکند کندینده ایله شن اروانلی بئئ کربلایی ممی بئین اوغلی کربلایی عبدالله بئی دئیر کی مولکوزی منه ساتین یاخشی پول وئریم ایسترسیز بورادان گئدین ایستمه رسیز منه ایشلیه بیلر سیز اما کربلایی عبدالله قارداشلاریلا شور ائلییب حاج امیر خانا یوخ دئیلر بو سؤز قالیر یازدا جؤت چیخان زامان  

قارلار ارییب و یئر ده آلا بولا قار اولان گؤنلر خیر الله یاور حاج امیرین اوغلی گؤجلی وشهامتلی بیر جاوان اولاراق نئچه پارا کند دن جؤتچی ییغیر کی سرسکندین سدین کئچسین وزور دارلیقیلا سرسکند مولکینه صاحیب چیخسین جؤتچیلر طاخجاجیخ کندین نن حرکت ائلیب بیر بویوک قوشون کی سایلاری 20جوت جؤتچی و خدم وحشم وآتچیلاریلا ونئچه خلور آرپا بوقدا و اکینچیلرین زوماریلا سرسکند مولکینه گئچیرلر سدلری سؤکوب جؤتلری قوشوب ویئرلری سؤرمگه باشلییرلار بو خبر اروانلی ائلینین باشچیسی عبدالله بئیه یئتیشیر قارداشلارین وعم اوغلانلارین چاغیریب آتلاری یئهرلیب قیلینجلاری وقالخانلاری اله گؤتوریب ایاقلارین آتلارین زنگینه باسیب یولا تؤز سالاراق دؤشمانا هوجوم گئتیللر آغ داغ سمتینن آشاقا ائنیب ناهار زامانی جؤتچولردن بیر آز فاصیله آلیب ناهار یئمگه باشلیلار الله وردی بئی اروانلی

 بیر نیشانلی پارچانی بیر اؤزون آغاجا باقلاییب یئره سانجیر یئر سورنلرین موراقیبلرینن بیری بونلارا ساری گلیب سوروشور کی بوردا نه ایش گؤریسیز ؟؟

الله وئردی بئی دئیر :فیلان فیلان اولموش سن بیزیم مولکوموزده نه ایش گؤرور سن ؟؟کور سان مگر؟

 گؤریرسن کی ناهار یئیرک آتچی سوروشور بو آغاج اوسته کی پارچا نئه دی؟؟ الله وئردی خان دئیرکی ایجازه وینن بودا کربلایی عبدالله بئین بایراقیدی ناهاروزی یئیون یئتیشریک خیدمتوزا ناهارلار یئیلیر اروانلی ویار احمدلی قالان ساواشچیلاری یئتیشیر سرسکند آتچیلاری اولده سعی ائلییلر دیلیله سؤزیله قائیله نی یاتیردیب و ساواش باشلاماسین کربلایی عبدالله خیر الله یاوری چاغیریر چوخ بحث دن سونرا خیرالله یاور وورور عبدالله بئی قوجا سر کردنی آتدان یئره دوشور بو ماجرا ساواشی باشلاییر سرسکندین اروانلی ایگیدلری بو زامانا جاخ دیفاعی حالتده اولاراق ایشی پؤزومولموش گؤریب و هجوم باشلاییلار و کهر آ تلار آق، بوز وقشقه آتلاریلا داغ داشی چاپیب هر یانان هجوم گئتیریللر آرا قاتیشیر مذهب ایتیر یار احمدلی لر دویونجا کتک یئیر وکربلای فتح الله ممی بئین قدرتلی وجاوان اوغلی خیر الله یاوریله قیلینج قیلینجا قاباقلاشیرلار کربلایی فتح الله خیر الله یاوره دئیرکی :

گؤجا کیشینی وورماق کیشیلیکدن دئیل اونا توخلی دؤیشی دییلر ایندی اروانلینین قوچی گئلدی باشلا چاقیشماقیی گؤرک .........چوخ سؤزدن و ووروشدان سونرا خیرالله یاور آتین افزارین چؤریب قاچماقا باشلییر و فتح الله بئی اونون پشیله آ تین تعقیبینه. باشلاییر خیر الله یاور بیر یارقانا

; یئتیشیر وفتح الله بئی اونا یئتیشن زامان خنجری ارکک آتینین یالینا باسیب آت یارقاننان اوچور وخیرالله یاور جانین قورتاریر

سرسکند آتچیلاری ظفر قازانیب غنیمت لریله کنده گلیب و بیر بؤیوک تام تاراقی یولا سالیرلار کربلایی عبدالله بئین باج اوغلانلاری یان بولاغیندا اولاراق ساواشا قاریشمامیشلار ساواش سونا چاتانان سونرا ظفر خبری اونلارا چاتیر باج اوغلانلارین بیرین کی زوریلا ساخلامیشدی خبر گئتیرن دئیر بئی هئچ ناراحات اولما سنین دایی لارون بو داغلارین اصلانیدیلار استغفر الله هئچ اللهین دا گؤجی اونلارا چاتماز.......نئچه گؤنن سونرا حاج امیر مجتهد زنجیر آبادینی واسیطه سالیر صولح ائلیر واموالارین اونرا قیتریب و اوغلی رستم خانی فتح الله بئله قارداش ائلیب ومجتهد اونلارا قارداشلیق صیغه اوخویور او تاریخدان. اروانلی یار احمدلی قارداش ساییلب صولحیله بیرلیکده یاشاماق باشلییلار

موافقین ۰ مخالفین ۰ ۰۰/۰۱/۰۳
پرویز فضلی

نظرات  (۰)

هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی